بحبر سعيدي ولد العقبان

كانت التجربة اني عشقت الشعر وخاصة الشعر الملحون لأنه باللهجة المحلية

فبدون شعور مني اصبحت كاتبا له ومن ما كتبته من شعر ملحون

حياتي نرويهالكم سمعولي يا حضار

حياتي سموها انسان فالأرض هامل

فالربعة وتسعين زاد منظم لشعار

خالد محمد في سعيدة ساكن

بديت قرايتي فالشريعة منها نولي للدار

ابن عاشر والقران حفظت وطريق ربي حاكم

الحمد لله مع الوالدين عشت كيما السلطان

والناس مقادريني ودايريني كي لمعلم

تكلت على نفسي وليت مولوع بالأسفار

لواليد مقلق عليا يعيط يقول وين راك هايم

مقادر روحي موقر لصغير ومحتارم لكبار

كابر بكلام لكبار قاري ومتعلم

ماقريت الملحون لافي مدارس ولاجامعات كبار

وهبة من الله السر لمكنون منه انزل

شي مكتوب عليا وقاستني ليه لقدار

نتعلم ونتعلم وكلشي عندي ممكن

ماربحت مع واحد لعيب ولا قلت عليه العار

غير ربي هو الشاهد وفي الاخرة هو الحاكم

تعب الوالدين نردهلهم يا لوكان غرام

طاعتهم وارضاهم هذاك امر محتم

هاذ هي قصتي ليكم بالختصار

والصلات على النبي المختار بيها نختم



ارجوا ان تكون قد اعجبكم حبري والسلام عليكم في موضوع جديد انشاء الله